पुणे: पोर्शे अपघात प्रकरणात दररोज नवी माहिती उघडकीस येत आहे. आरोपीच्या रक्ताच्या नमुन्यांमध्ये बदल केल्याप्रकरणी ससून रुग्णालयातील दोन डॉक्टरांना अटक झाली आहे. आरोपीला वाचवण्यासाठी डॉक्टरांनी लाच घेऊन रक्ताच्या नमुन्यांमध्ये फेरफार करण्यात आली. पुण्याचे पालकमंत्री अजित पवार अपघातानंतर आठवडाभर जिल्ह्यात फिरकले नव्हते. त्यामुळे त्यांच्या भूमिकेवर संशय व्यक्त करण्यात आला. आरोपी पोलीस ठाण्यात असताना राष्ट्रवादीचे आमदार सुनील टिंगरेंनी पोलीस स्टेशनमध्ये धाव घेतली होती. आरोपीचे वडील विशाल अगरवाल यांनी टिंगरेंना अपघाताच्या रात्री ४५ कॉल्स केले होते. त्यामुळे या प्रकरणात राष्ट्रवादी काँग्रेस अडचणीत आली आहे.
पोर्शे प्रकरणाचा तपास गुंडाळण्यासाठी, आरोपीला वाचवण्यासाठी प्रयत्न झाल्याचा आरोप ससून रुग्णालयातील डॉक्टरनं केला आहे. अपघातानंतर आरोपीचे वडील विशाल अगरवाल यांनी उपमुख्यमंत्री अजित पवारांना कॉल केला होता. त्यानंतर पवारांनी पुण्याच्या पोलीस आयुक्तांनी कॉल केला. अशा प्रकारे गोष्टी मॅनेज झाल्या, असा खळबळजनक दावा डॉक्टरांनी केला. रक्ताच्या नमुन्यात फेरफार केल्याप्रकरणी ससूनचा डॉ. अजय तावरे अटकेत आहे. या तावरेचे राजकीय नेत्याशी लागेबांधे आहेत. पण अगरवालनं डॉ. तावरेला कॉल केले का, याची माहिती नाही. या प्रकरणी तपास सुरु आहे. कॉल डेटा रेकॉर्ड्सच्या माध्यमातून ही बाब समोर येऊ शकेल, असं डॉक्टरांनी सांगितलं. टाईम्स नाऊनं याबद्दलचं वृत्त दिलं आहे.
‘आरोपीच्या वडिलांनी अजित पवारांना फोन केला होता. त्यांना केस मॅनेज करण्यास सांगितलं. पवारांचा कॉल आला होता म्हणतात. ते राजकीय कॉल्स डॉ. तावरेला येतात. डॉ. तावरेला राष्ट्रवादी काँग्रेसचे आमदार सुनील टिंगरेंचा फोन आला होता,’ असं ससूनमधील डॉक्टरनं सांगितलं आहे. ‘तुम्हाला माहित्येय विशाल अगरवाल मोठा बिल्डर आहे. पालकमंत्री अजित पवारांना अगरवालनं कॉल केला होता. इथे अजित पवारांचा फोन आला होता असं म्हणतात. अजित पवार पालकमंत्री आहेत ना,’ असं डॉक्टरनं ऑन कॅमेरा म्हटलं.
पोर्शे प्रकरणाचा तपास गुंडाळण्यासाठी, आरोपीला वाचवण्यासाठी प्रयत्न झाल्याचा आरोप ससून रुग्णालयातील डॉक्टरनं केला आहे. अपघातानंतर आरोपीचे वडील विशाल अगरवाल यांनी उपमुख्यमंत्री अजित पवारांना कॉल केला होता. त्यानंतर पवारांनी पुण्याच्या पोलीस आयुक्तांनी कॉल केला. अशा प्रकारे गोष्टी मॅनेज झाल्या, असा खळबळजनक दावा डॉक्टरांनी केला. रक्ताच्या नमुन्यात फेरफार केल्याप्रकरणी ससूनचा डॉ. अजय तावरे अटकेत आहे. या तावरेचे राजकीय नेत्याशी लागेबांधे आहेत. पण अगरवालनं डॉ. तावरेला कॉल केले का, याची माहिती नाही. या प्रकरणी तपास सुरु आहे. कॉल डेटा रेकॉर्ड्सच्या माध्यमातून ही बाब समोर येऊ शकेल, असं डॉक्टरांनी सांगितलं. टाईम्स नाऊनं याबद्दलचं वृत्त दिलं आहे.
‘आरोपीच्या वडिलांनी अजित पवारांना फोन केला होता. त्यांना केस मॅनेज करण्यास सांगितलं. पवारांचा कॉल आला होता म्हणतात. ते राजकीय कॉल्स डॉ. तावरेला येतात. डॉ. तावरेला राष्ट्रवादी काँग्रेसचे आमदार सुनील टिंगरेंचा फोन आला होता,’ असं ससूनमधील डॉक्टरनं सांगितलं आहे. ‘तुम्हाला माहित्येय विशाल अगरवाल मोठा बिल्डर आहे. पालकमंत्री अजित पवारांना अगरवालनं कॉल केला होता. इथे अजित पवारांचा फोन आला होता असं म्हणतात. अजित पवार पालकमंत्री आहेत ना,’ असं डॉक्टरनं ऑन कॅमेरा म्हटलं.
अजित पवारांनी पुणे पोलीस आयुक्तांना कॉल केला होता. अशा प्रकारे सगळ्या गोष्टी मॅनेज झाल्या. त्यानंतर आमदार सुनील टिंगरेंना डॉ. तावरेला फोन केला. त्याचे राजकीय नेत्यांशी संबंध आहेत. तावरेनं तोंड उघडल्यास सगळ्यांची नावं उघडकीस येतील, असं ससूनचा डॉक्टर म्हणाला. डॉ. तावरे कोणाची नावं घेऊ शकतात, असा प्रश्न डॉक्टरला विचारण्यात आला. त्यावर त्या दिवशी तावरेला कोणी कोणी फोन केले होते, त्यांची नावं तावरे सांगू शकतो. कारण त्यांच्यामुळेच तावरे अडकलाय, असं ससूनच्या डॉक्टरनं सांगितलं.