पृथ्वीराज चव्हाण काय म्हणाले?
आकड्याची भविष्यवाणी करणं धोक्याचं असतं, लोकांच्या मनात काय आहे हे स्पष्ट कळत नाही, आपण अंदाज बांधू शकतो, ढोबळ अनुमान लावू शकतो. २०१९ च्या लोकसभा निवडणुकीचा संदर्भ घेऊन सांगतो, की बहुतांश राज्यात भाजपचा परफॉर्मन्स इतका चांगला होता, की वर जायला आता जागाच नाही. उदा. गुजरात, राजस्थान, कर्नाटक, मध्य प्रदेश यांच्यात वर जायला आता जागाच नाही, झाल्या तर जागा कमीच होतील. माझ्या मते सहा राज्यं महत्त्वाची आहेत, पश्चिम बंगाल, बिहार, उत्तर प्रदेश, महाराष्ट्र, कर्नाटक आणि तेलंगणा.. या सहाही राज्यात भाजपच्या जागा कमी होतील. भाजपवाले म्हणतात की यूपीमध्ये आमच्या जागा वाढतील, बंगालमध्ये वाढू.. पण मला तसं वाटत नाही, असं मत पृथ्वीराज चव्हाण यांनी व्यक्त केलं.
दक्षिणेत साफ होण्याचा अंदाज
दक्षिणेत कर्नाटक सोडून तामिळनाडू आणि तेलंगणा – इथे एकही जागा येणार नाही. मतांची टक्केवारी वाढेल असं म्हणतात. गेल्या वेळी कर्नाटकात एक सोडून जवळपास सगळ्या जागा आल्या होत्या, आता आम्ही २० जागा जिंकू असं सिद्धरमैया आणि डीके शिवकुमार म्हणतात, पण माझ्या मते आमच्या १०-१५ जागा तरी येऊ शकतात. म्हणजे भाजपच्या १०-१५ मायनस होणार. तेलंगणाचे मुख्यमंत्री म्हणतात, की भाजपची एकही जागा येणार नाही, सगळ्या काँग्रेसच्याच येणार, हे त्यांचं आकलन आहे, पण भाजपच्या फार जास्त जागा येण्याची शक्यता नाही. म्हणजे दक्षिण पूर्ण साफ झालं, आल्या तरी कर्नाटकात थोड्या फार, पण सिद्धरमैया आणि डीके शिवकुमार म्हणतात, की भाजपात तिथे अंतर्गत कलह खूप आहे. काँग्रेसच्या ५ गॅरंटी खूप चांगल्या चालल्या होत्या. सरकारने सर्व अंमलात आणल्या. त्यामुळे आम्हाला स्कोप आहे, असं पृथ्वीबाबा म्हणाले.
महाराष्ट्रात काय स्थिती?
महाराष्ट्रात पहिल्यांदाच तीन-तीन पक्षांची आघाडी आहे. असं पहिल्यांदाच झालंय, आतापर्यंत दोनच पक्ष युती-आघाडीत होते. जागावाटपात काही अडचणी आल्या, त्यांना जास्त आल्या. आम्ही सांगली-मुंबईत तडजोडी केल्या, पण एकंदरीत फार मोठा वाद नव्हता. प्रचार मात्र एकदिलाने केला. एकनाथ शिंदे आणि अजित पवार यांच्याबाबत निगेटिव्हिटी आहे, पक्ष फोडणं, ५० खोके असेल.. मतदारांमध्ये विश्वासघाताची भावना आहे. शरद पवार आणि उद्धव ठाकरे आणि पर्यायाने महाविकास आघाडीला सहानुभूती आहे. मी सुरुवातीला २५ ते ३० जागा म्हणत होतो, पण आज तो आकडा मी ३२ ते ३५ वर नेलेला आहे. पवार-जयंत पाटीलही तोच आकडा सांगतात, असं पृथ्वीराज म्हणाले.
गुजरातमध्ये राजपूत आंदोलनाचा एखाद-दुसऱ्या जागेवर फरक पडेल. पण राजस्थान, पश्चिम उत्तर प्रदेशात मोठा फरक पडेल असं वाटतं. राजस्थानात ५ ते १० जागा भाजपच्या कमी होतील. म्हणजे कुठेही वाढणार नाहीत, कमीच होतील. हरियाणात दहाच्या दहा जागा भाजपला मिळत नाहीत. दिल्लीत ०-७ होतं, केजरीवालांच्या अटकेनंतर खूप सहानुभूती आहे, पंजाबमध्ये किसान आंदोलनाचा फटका बसेल, असा चव्हाणांचा अंदाज आहे.
उत्तर प्रदेशात फटका बसणार?
पश्चिम उत्तर प्रदेशात राजपूत वक्तव्य आणि किसान आंदोलनाचा प्रभाव अजूनही आहे. योगी आणि शाह हे अंडरकरंट खूप आहेत, की पुढचं नेतृत्व कुणाकडे. मायावती स्वतंत्र लढत आहेत. त्यांनी भाजपच्या सांगण्यावरुन त्यांच्या पुतण्याला काढल्याची चर्चा आहे. त्यामुळे मायावती या भाजपची बी टीम असल्याचं बोललं जातं. त्यामुळे त्यांचे समर्थक भाजपला अप्रत्यक्ष मदत करण्याऐवजी संविधान बचावासाठी सपा किंवा काँग्रेसला करण्याची शक्यता आहे. सपाला अवघड असलं, तरी संविधान बचाव हे सेंटिमेंट मोठं झालं आहे. लोक म्हणतात भाजप ६५ वरुन ५० वर येईल. बिहारमध्ये तेजस्वी यादव हे खूप चांगलं नेतृत्व म्हणून पुढे आलेले आहेत. बंगालमध्ये भाजपच्या जागा वाढतील असं वाटत नाही, असंही ते म्हणाले.
Sunil Tatkare : सेना-भाजप विश्वासात घेईना, दादांचे कार्यकर्ते नाराज असल्याच्या चर्चा, तटकरेंकडून डॅमेज कंट्रोल
पाहा संपूर्ण मुलाखत यूट्यूबवर :
Read Latest Maharashtra News Updates And Marathi News
भाजपच्या जागा २२० ते २५०
भाजपच्या खूप जागा कमी होतील. महाराष्ट्र, यूपी, मध्य प्रदेश, राजस्थान, दिल्ली, हरियाणा, पंजाब, कर्नाटक, इथे जागा कमी होताना दिसतात. भाजपला ४०० पार किंवा ३७० तर अंगलटच आलंय. त्यावरुन त्यांनी माघार घेतली. कार्यकर्त्यांना प्रोत्साहित करण्यासाठी नारा दिला होता, पण उलट झालं आणि ४०० जागा जिंकतोय म्हणून कार्यकर्ते निर्धास्त राहिले, असं कव्हर अप त्यांनी केलं. सध्या मोदींची धडपड ३०३ पेक्षा एकतरी जागा जास्त यावी, यासाठी आहे. म्हणजे मोदींचा पॉप्युलॅरिटी ग्राफ वर-वर जाताना दाखवता येईल. पण २७२ च्या खाली आला तर प्रश्न आहे. मला तरी एकट्या भाजपच्या जागा २२० ते २५० मध्ये येताना दिसतात. एनडीएचे फार मित्रपक्षही नाहीत. त्यामुळे एकूण आकडाही २७२ च्या वर जाण्याची शक्यता कमी आहे. फक्त आंध्र प्रदेशात त्यांच्या जागा मित्रपक्षांमुळे वाढण्याची शक्यता आहे, असा अंदाज पृथ्वीबाबांनी व्यक्त केला.