अजित पवार म्हणाले, गेल्या अनेक दिवसांपासून शरदचंद्र पवार पक्षाचे नेते कारखाना आम्ही आणला. एमआयडीसी आम्ही आणली. संस्था आम्ही काढल्या असे सांगतात. मात्र, आमच्याही ओळखी झाल्या. या बारामतीतील डायनामिक्स कंपनी ही माझ्या उपस्थितीत झाली. त्यानंतर अनेक कंपन्यांचे प्रश्न मी सोडवले आहेत. त्याचबरोबर त्यांनी शिक्षण संस्थेचा मुद्दा सांगताना, रोहित पवारांवर नेम धरला. काहीजण वालचंदनगरला शिकत होते, कारण सरळ आहे. त्यावेळी फक्त वालचंदनगरलाच चांगले शिक्षण मिळत होते, बारामतीत मिळत नव्हते, असे सांगून त्यांनी शरद पवारांनी विद्या प्रतिष्ठान काढली या मुद्द्याला छेद देत शरद पवारांना टोला मारला.
त्यानंतर त्यांनी रोहित पवार यांच्यावरील टीका केली. तसेच, बारामती एमआयडीसीत अनेक जणांच्या बदल्या केल्या जातात, तसेच त्यांना काढून टाकले जाते, परंतु सात मेपर्यंत थांबा, त्यानंतर फक्त मी आणि तुम्हीच आहोत, बाकी कोणीही आपल्या मदतीला येणार नाही. शिवाय, जो कोणी त्रास देत असेल त्यालाही मी सोडणार नाही असा इशारा देखील अजित पवारांनी दिला.
नंदेला साडी देऊन पाठवून द्या- अजित पवार
गेल्या काही दिवसांपासून अजित पवारांची भाषणे आक्रमक होत चालली आहेत. आज त्यामध्ये त्यांनी आणखी एक भर घातली बारामतीतील नटराज नाट्यगृहाच्या सभागृहामध्ये बारामतीतील कामगारांच्या मेळाव्यात अजित पवार बोलत होते. त्यावेळी त्यांनी पुन्हा एकदा चार दिवस सासूचे चार दिवस सुनेचे आणि ननंद भावजयवर भाष्य केले. ते म्हणाले ननंद आणि भावजयीचे वातावरण चांगले असले पाहिजे. खूपच दोघींमध्ये प्रेम असेल तर. नंदेची साडी चोळीने ओटी भरून तिची सासरी पाठवणी केली पाहिजे, तशी तिची पाठवणी करा, अर्थात बटन दाबून नाही असेच तिला पाठवून द्या, असा टोला त्यांनी सुप्रिया सुळे यांना लगावला. तो लगावताना त्यांनी सांगितले या ठिकाणी अनेक सुना आहेत की, ज्या बारामतीतील एमआयडीसीमध्ये काम करतात. तुम्ही मला सांगा ४०-४० वर्षानंतर आमच्या घरामध्ये सुना बाहेरच्या असल्याचं सांगितले जाते, महिलांचा अपमान केला जातो, असंही अजित पवार म्हणाले.