सभेला रशियाचा तरूण, अख्ख्या बारामतीत चर्चा, शरद पवार यांनी ‘पुढची स्टोरी’ सांगितली!
बारामतीच्या निवडणुकीकडे संपूर्ण देशासहित जगाचे लक्ष होते. आज माझ्याबरोबर एक रशियावरून मुलगा आलाय त्यांचे नाव पीटर. मी त्यांना विचारलं कशासाठी येताय? ते म्हटले, गावामध्ये तुमच्या निवडणुका झाल्या त्याची काय पद्धत असते? हे मला पाहायचे आहे. रशियात सुद्धा बारामतीच्या निवडणुकीची चर्चा झाली आणि म्हणून ते स्वतः इथे रशियावरून आले आहेत. बारामतीच्या लोकांनी इतिहास निर्माण केला, असे म्हणत त्यांनी बारामतीकरांचे आभार मानून रशियाच्या तरुणाच्या उपस्थितीबद्दल जनतेला अवगत केले.
सुप्रिया बारामतीचे नाव गाजवल्याशिवाय राहणार नाही
सुप्रिया सुळे यांना तुम्ही लोकांनी मोठ्या मतांनी जवळपास ४०-४५ हजारांच्या फरकाने विजयी केलं. मी तुम्हाला एवढीच खात्री देतो की, देशाच्या लोकसभेमध्ये तुम्हा लोकांच्या मतदारसंघाचे नाव तुमचे नवे खासदार, त्याठिकाणी गाजवल्याशिवाय राहणार नाही आणि तुम्हाला त्याचे समाधान मिळेल, अशी ग्वाही पवार यांनी दिली.
बारामतीची जनता माझी साथ सोडणार नाही असं मला माझं मन सांगायचं : शरद पवार
शरद पवार यांनी सांगवीसोबत असलेले जुने नाते सांगितले
एक काळ असा होता की, सांगवीला माझं जाणं येणं नेहमी असायचं. अनेक सहकारी होते काही हयात आहेत व काही नाहीत. सांगवीचे नेतृत्व आता नव्या पिढीच्या हातात आहे. अनेक निवडणुकींना सांगवीच्या नागरिकांनी सतत आम्हा लोकांना पाठिंबा दिला, सांगवीच्या विकासामध्ये सहकार्य केलं. या ठिकाणची शेती संपन्न व्हावी यासाठी एकेकाळी नदीमध्ये बंधारे बांधण्याचे काम सांगवीपासून सुरू झाले. नंतरच्या काळामध्ये माळेगाव सहकारी साखर कारखाना असो, अन्य संस्था दूध संघासारख्या असो या सगळ्यांमध्ये सांगवीचा मोठा वाटा असल्याचे पवार यांनी सांगितले.
सांगवीने नेतृत्व सुद्धा केलं. या भागाच्या एकंदर शेती व्यवसायाच्या उद्योगाला हातभार लावण्यासाठी सांगवीची मदत नेहमी राहिलेली आहे. त्यामुळे सांगवीचं सबंध भागामध्ये नावलौकिक आहे, असे पवार यांनी अधोरेखित केले.