म.टा.खास प्रतिनिधी, मुंबई : मुंबईतील मुर्तीकारांना गणेशमूर्तींसाठी लवकरच शाडूची माती मोफत दिली जाईल, अशी घोषणा मुख्यमंत्री एकनाथ शिंदे यांनी शनिवारी विधानसभेत केली. यासंदर्भात पालिका आयुक्तांना सूचना केल्या जातील, अशी माहितीही शिंदे यांनी यावेळी दिली. पर्यावरणपूरक गणेशोत्सव साजरा करण्यासाठी राज्य सरकारने प्लास्टर ऑफ पॅरीसच्या मूर्तीवर बंदी घातल्यामुळे ही मागणी गेल्या काही दिवसांपासून जोर धरु लागली होती.
शिवसेना उद्धव बाळासाहेब ठाकरे पक्षाचे आमदार अजय चौधरी यांनी एका लक्षवेधी सूचनेवरील चर्चेदरम्यान विधानसभेत यासंदर्भात मागणी केली होती. आगामी गणेशोत्सवात श्रीगणेश मूर्ती तयार करण्यासाठी मूर्तीकारांना सरकारकडून विनामूल्य शाडूची माती उपलब्ध करून देण्यात यावी, अशी मागणी अजय चौधरी यांनी केली. या मागणीला मुख्यमंत्री एकनाथ शिंदे यांनी सकारात्मक प्रतिसाद दिला.
गेल्या वर्षीही मूर्तीकारांना विनामूल्य शाडूची माती देण्यात आली होती. यंदाच्या गणेशोत्सवातील श्रीगणेश मूर्ती बनवण्यासाठी शासनाकडून सर्व मूर्तीकारांना विनामूल्य शाडूची माती उपलब्ध करून दिली जाईल. तशा सूचना महापालिका आयुक्तांना दिल्या असल्याचेही मुख्यमंत्र्यांनी स्पष्ट केले.
Ashish Shelar : राजकारण सोडण्याच्या वक्तव्यावरुन आशिष शेलार यांचा युटर्न, म्हणाले – आधी उद्धव ठाकरे यांनी…
दरम्यान, प्लास्टर ऑफ पॅरिस अर्थात पीओपीच्या गणेश मूर्तींच्या तुलनेत शाडू मातीच्या मूर्ती अधिक खर्चिक असतात. त्यामुळे मूर्तीकारांसह ग्राहकांनाही शाडूच्या मातीची मूर्ती तुलनेने महाग पडते. मात्र आता मुख्यमंत्र्यांनी मूर्तीकारांना शाडूची माती विनामूल्य उपलब्ध करुन दिल्यास याचा मोठा फायदा मूर्तीकारांना होणार आहे. त्याशिवाय पर्यावरणासाठीही ही बाब महत्त्वाची ठरणार आहे.
शिवसेना उद्धव बाळासाहेब ठाकरे पक्षाचे आमदार अजय चौधरी यांनी एका लक्षवेधी सूचनेवरील चर्चेदरम्यान विधानसभेत यासंदर्भात मागणी केली होती. आगामी गणेशोत्सवात श्रीगणेश मूर्ती तयार करण्यासाठी मूर्तीकारांना सरकारकडून विनामूल्य शाडूची माती उपलब्ध करून देण्यात यावी, अशी मागणी अजय चौधरी यांनी केली. या मागणीला मुख्यमंत्री एकनाथ शिंदे यांनी सकारात्मक प्रतिसाद दिला.
गेल्या वर्षीही मूर्तीकारांना विनामूल्य शाडूची माती देण्यात आली होती. यंदाच्या गणेशोत्सवातील श्रीगणेश मूर्ती बनवण्यासाठी शासनाकडून सर्व मूर्तीकारांना विनामूल्य शाडूची माती उपलब्ध करून दिली जाईल. तशा सूचना महापालिका आयुक्तांना दिल्या असल्याचेही मुख्यमंत्र्यांनी स्पष्ट केले.
Ashish Shelar : राजकारण सोडण्याच्या वक्तव्यावरुन आशिष शेलार यांचा युटर्न, म्हणाले – आधी उद्धव ठाकरे यांनी…दरम्यान, प्लास्टर ऑफ पॅरिस अर्थात पीओपीच्या गणेश मूर्तींच्या तुलनेत शाडू मातीच्या मूर्ती अधिक खर्चिक असतात. त्यामुळे मूर्तीकारांसह ग्राहकांनाही शाडूच्या मातीची मूर्ती तुलनेने महाग पडते. मात्र आता मुख्यमंत्र्यांनी मूर्तीकारांना शाडूची माती विनामूल्य उपलब्ध करुन दिल्यास याचा मोठा फायदा मूर्तीकारांना होणार आहे. त्याशिवाय पर्यावरणासाठीही ही बाब महत्त्वाची ठरणार आहे.
मागील काही वर्षांपासून प्लास्टर ऑफ पॅरिसपासून बनवलेल्या मूर्तीं न बनवण्याचं आवाहन करण्यात येतं. पीओपीच्या मूर्तींवर बंदी असल्याने अनेक गणेश भक्तांकडून शाडूच्या मातीपासून बनलेल्या मूर्तींच्या मागणीत तुलनेने वाढ झाली आहे. पीओपीच्या गणेश मूर्तींमुळे जलप्रदूषणात वाढ होते. पीओपीपासून तयार केलेली मूर्ती पर्यावरणपूरक नसल्याने दरवर्षी प्रदूषण टाळण्यासाठी शाडू मातीच्या मूर्तीं बनवण्याचं आवाहन करण्यात येतं आहे. त्यामुळे मागील काही वर्षांपासून शाडू मातीच्या गणेश मूर्तींच्या मागणीत वाढ झाल्याचं चित्र पाहायला मिळत आहे.