विशिष्ट वस्त्यांमध्ये नावे दोन, तीन चारवेळी तपासली जात आहेत
मुंबईसह जिथे मतदान आहे तिथल्या मतदानाची मी माहिती घेतो आहे. मतदारांमध्ये मतदानाचा खूप उत्साह आहे. निवडणूक आयोगाकडून प्रत्येकाला मतदान करा म्हणून मेसेज दिले जात आहेत. त्याप्रमाणे मतदार मतदानामध्ये उतरल्याचे दिसत आहे पण निवडणूक आयोग हा पक्षपातीपणा करत आहे. निवडणूक आयोगाचे प्रतिनिधींकडून खूपच दिरंगाई होत आहे. विशिष्ट वस्त्यांमध्ये नावे दोन, तीन चारवेळी तपासली जात आहेत. अनेक मतदारांना याचा त्रास होत आहे, असे उद्धव ठाकरे म्हणाले.
Devendra Fadnavis : ठाकरे मराठी मतांवर जगण्याच्या मन:स्थितीत नाहीत, मुस्लिम मतांवर गुजराण, फडणवीसांचा हल्लाबोल
जिथे आमची ताकद, तिथे निवडणूक आयोगाचे अधिकारी जाणीवपूर्वक दिरंगाई करतायेत
मतदारांनी रांगा लावून मतदान केले आहे. पण मतदारांना आत गेल्यानंतर खूप वेळ लागतोय असे सांगितले जात आहे. मोदी सरकार पराभवाच्या भीतीने निवडणूक आयोगाचा वापर करत आहे. मतदार मत नोंदवित असताना अधिकारी जाणीवपूर्वक दिरंगाई करत असल्याचे दिसत आहे. तिथे आमची (शिवसेना) ताकद जास्त आहे, तिथे जाणीवपूर्वक दिरंगाई होत आहे, असा आरोप करून मतदानाला थोडावेळ जरी राहिला असला तरी मतदानाच्या अधिकारापासून वंचित राहू नका. मतदानाचा हक्क बजावल्याशिवाय बाहेर पडू नका, असे आवाहन उद्धव ठाकरे यांनी केला.Lok Sabha Elections 2024 : स्मृती इराणी, राजनाथ ते राहुल गांधी, वर्षा गायकवाड, अनिल देसाई; लक्षवेधी लढतींची संपूर्ण यादी
उद्धव ठाकरेंचे नेहमीप्रमाणे रडगाणे : फडणवीस
मुंबईत संथ गतीने मतदान होत असल्याची तक्रार सर्वप्रथम आम्हीच आयोगाकडे केली. आता मात्र, नेहमीप्रमाणे उद्धव ठाकरे यांनी त्यांचे रडगाणे सुरु केले आहे. पराभव समोर स्पष्ट दिसत असताना त्यांनी सवयीप्रमाणे मोदीजींवर आरोप करणे प्रारंभ केले आहे. ४ जूननंतरच्या स्थितीला सामोरे जाण्याची पार्श्वभूमी ते आताच तयार करीत आहेत. शिवाय निवडणूक प्रक्रियेतील अधिकाऱ्यांना धमक्याही दिल्या जात आहेत, असा आरोप उपमुख्यमंत्री देवेंद्र फडणवीस यांनी केला.
माझी तमाम मुंबईकरांना विनंती आहे की, मतदान केंद्रावर जा आणि मोठ्या संख्येने मतदान करा. ६ वाजले तरी जितके लोक आतमध्ये असतील, त्या प्रत्येकाला मतदान करता येते. त्यामुळे मतदानाचा आपला हक्क बजावल्याशिवाय राहू नका, असे आवाहन देवेंद्र फडणवीस यांनी केले.
पाचव्या टप्प्यातील एकूण 13 लोकसभा मतदारसंघनिहाय टक्केवारी पुढीलप्रमाणे:
भिवंडी- 48.89 टक्के
धुळे- 48.81 टक्के
दिंडोरी- 57.06 टक्के
कल्याण – 41.70 टक्के
मुंबई उत्तर – 46.91 टक्के
मुंबई उत्तर मध्य – 47.32 टक्के
मुंबई उत्तर पूर्व – 48.67 टक्के
मुंबई उत्तर पश्चिम – 49.79 टक्के
मुंबई दक्षिण – 44.22 टक्के
मुंबई दक्षिण मध्य- 48.26 टक्के
नाशिक – 51.16 टक्के
पालघर- 54.32 टक्के
ठाणे – 45.38 टक्के