पुणे शहर राष्ट्रवादी काँग्रेसच्या वतीने काल पुण्यातील केसरी वाड्यासमोर सुनेत्रा पवार यांचा जंगी सत्कार करण्यात आला. यावेळी माध्यमांशी संवाद साधताना पत्रकार परिषदेत विचारलेल्या प्रश्नाचं उत्तर देताना सुनेत्रा पवार यांनी प्रतिक्रिया दिली.
ज्याप्रमाणे सुनेत्रा पवार यांच्या राज्यसभा उमेदवारीचा ठराव मांडण्यात आला, त्याच प्रमाणे केंद्रात मंत्रिपद मिळावं, असाही ठराव मांडण्यात आला आहे, याबाबत काय वाटतं? असा प्रश्न सुनेत्रा पवार यांना विचारण्यात आला होता.
सुनेत्रा पवार काय म्हणाल्या?
माझ्या पक्षातील लोकांचा हा मोठेपणा आहे, की त्यांना माझ्याकडून भरपूर अपेक्षा आहेत. आणि मला असं वाटतं, की जर संधी मिळाली, तर त्यासाठी प्रयत्न करणं आणि संधीचं सोनं करणं हे माझं काम आहे. आणि त्यासाठी मी जरुर प्रयत्न करेन, अशी प्रतिक्रिया सुनेत्रा पवार यांनी दिली.
राज्यसभेच्या रिक्त जागेवर राष्ट्रवादी काँग्रेस पक्षाकडून सुनेत्रा पवार यांनी गुरुवारी सकाळी अर्ज दाखल केला. गुरुवारी शेवटच्या दिवशी त्यांचा एकच अर्ज दाखल झाल्याने त्या राज्यसभेवर बिनविरोध निवडून गेल्या आहेत.
Indresh Kumar : रामभक्ती करुनही अहंकार चढला, तो पक्ष २४१ वर अडला, संघाच्या नेत्याने टोचले भाजपचे कान
राष्ट्रवादी काँग्रेसचे राष्ट्रीय कार्याध्यक्ष प्रफुल्ल पटेल यांनी फेब्रुवारी २०२४मध्ये राजीनामा दिल्यानंतर रिक्त झालेल्या जागेसाठी राज्यसभा निवडणूक होत असून, त्यासाठी बुधवारी रात्री सुनेत्रा पवार यांच्या नावावर शिक्कामोर्तब करण्यात आले. गुरुवारी सकाळी सुनेत्रा पवार विधानभवनात आल्या आणि त्यांनी आपला उमेदवारी अर्ज दाखल केला. या वेळी कार्याध्यक्ष प्रफुल्ल पटेल, प्रदेशाध्यक्ष सुनील तटकरे, ज्येष्ठ नेते छगन भुजबळ आणि विधानसभा उपाध्यक्ष नरहरी झिरवाळ आणि पक्षातील इतर पदाधिकारी उपस्थित होते.
Read Latest Maharashtra News Updates And Marathi News
दरम्यान, सुनेत्रा पवार यांच्या अर्ज भरण्याच्या वेळी महायुतीमधील एकही नेता उपस्थित नव्हता. राष्ट्रीय स्वयंसेवक संघाच्या विचारधारेच्या मासिकातून अजित पवार यांच्या महायुतीतील सहभागाबाबत टीका करण्यात आल्यामुळे राष्ट्रवादीपासून भाजप आणि शिवसेना अंतर राखत आहे की काय याची जोरदार चर्चा या निमित्ताने राजकीय वर्तुळात रंगू लागली आहे.