मुंबई: विधिमंडळाच्या अधिवेशनाच्या पहिला दिवस अचानक झालेल्या भेटीगाठींनी गाजवला. मंत्री आणि भाजप नेते चंद्रकांत पाटील यांनी विधानपरिषदेचे विरोधी पक्षनेते अंबादास दानवेंच्या केबिनमध्ये जाऊन शिवसेना उबाठाचे पक्षप्रमुख उद्धव ठाकरेंची भेट घेतली. या भेटीची बरीच चर्चा झाली. उद्धव ठाकरे आणि उपमुख्यमंत्री देवेंद्र फडणवीस यांची विधिमंडळाच्या लिफ्टजवळ अचानक भेट झाली. ही भेट योगायोगानं झाल्याचं ठाकरेंकडून सांगण्यात आलं. दुसरीकडे फडणवीस आणि काँग्रेसच्या नेत्यांचीदेखील भेट झाली. लोकमतनं याबद्दलचं वृत्त दिलं आहे.
उपमुख्यमंत्री देवेंद्र फडणवीस, काँग्रेसचे प्रदेशाध्यक्ष नाना पटोले आणि विधानसभेतील विरोधी पक्षनेते विजय वडेट्टीवार यांची काल विधिमंडळात भेट झाली. जवळपास १५ मिनिटं तीन नेत्यांची भेट झाली. फडणवीसांच्या केबिनमध्ये ही भेट झाल्याचं वृत्त आहे. काल विधानसभेचं कामकाज लवकर संपलं. त्यानंतर फडणवीस, पटोले आणि वडेट्टीवार यांच्यात खाणाखुणा झाल्या.
माझ्या दालनात या, असं फडणवीसांनी काँग्रेसच्या दोन नेत्यांना खाणाखुणा करुन सांगितलं. त्यानंतर पटोले, वडेट्टीवार लगेचच फडणवीसांच्या केबिनमध्ये गेले. आमदारांसाठी निधीची तरतूद करताना सत्ताधारी आणि विरोधक यांच्यात भेदभाव करु नका. सत्ताधाऱ्यांना झुकतं माप देऊ नका, अशी विनंती काँग्रेस नेत्यांकडून करण्यात आली. आपापल्या जिल्ह्यातील विकासकामांबद्दलही त्यांच्यात चर्चा झाली.
उपमुख्यमंत्री देवेंद्र फडणवीस, काँग्रेसचे प्रदेशाध्यक्ष नाना पटोले आणि विधानसभेतील विरोधी पक्षनेते विजय वडेट्टीवार यांची काल विधिमंडळात भेट झाली. जवळपास १५ मिनिटं तीन नेत्यांची भेट झाली. फडणवीसांच्या केबिनमध्ये ही भेट झाल्याचं वृत्त आहे. काल विधानसभेचं कामकाज लवकर संपलं. त्यानंतर फडणवीस, पटोले आणि वडेट्टीवार यांच्यात खाणाखुणा झाल्या.
माझ्या दालनात या, असं फडणवीसांनी काँग्रेसच्या दोन नेत्यांना खाणाखुणा करुन सांगितलं. त्यानंतर पटोले, वडेट्टीवार लगेचच फडणवीसांच्या केबिनमध्ये गेले. आमदारांसाठी निधीची तरतूद करताना सत्ताधारी आणि विरोधक यांच्यात भेदभाव करु नका. सत्ताधाऱ्यांना झुकतं माप देऊ नका, अशी विनंती काँग्रेस नेत्यांकडून करण्यात आली. आपापल्या जिल्ह्यातील विकासकामांबद्दलही त्यांच्यात चर्चा झाली.
विधानसभा निवडणूक अवघ्या काही महिन्यांवर आलेली आहे. त्यामुळे पावसाळी अधिवेशन महत्त्वाचं आहे. अर्थमंत्री अजित पवार अर्थसंकल्प सादर करणार आहेत. त्यातून ते अनेक मोठ्या घोषणा करण्याची शक्यता आहे. कोणत्या विभागाला किती निधी मिळतो, आमदारांच्या मतदारसंघांना किती निधी दिला जातो, याकडे सगळ्यांचं लक्ष लागलं आहे. तोंडावर आलेली विधानसभा निवडणूक पाहता अजित पवार मांडत असलेला अर्थसंकल्प महत्त्वाचा आहे.