प्रवीण दरेकर काय म्हणाले?
महाराष्ट्राचं सध्याचं राजकारण जातीपातीत विभागलं जात आहे. दोन समाजांमध्ये मोठी दरी निर्माण झाली आहे. अशा वेळी ती दूर करण्यासाठी मुख्यमंत्री एकनाथ शिंदे यांनी पुढाकार घेतला. सह्याद्री अतिथीगृहावर बैठक आयोजित करण्यात आली होती, परंतु शरद पवार यांची नेहमीच भूमिका राहिली, की हा पुरोगामी महाराष्ट्र आहे. नेमके ते सह्याद्री अतिथीगृहावरील बैठकीला उपस्थित राहू शकले नाहीत. त्यानंतर शरद पवारांविषयी वेगवेगळी वक्तव्य येऊ लागली. नेमकी त्यांची भूमिका काय, मराठा किंवा ओबीसी समाजाचे आरक्षण असो किंवा सगेसोयरे असो… छगन भुजबळ यांचा रोखठोक स्वभाव आहे. काल त्यांनी बारामतीतही हा सवाल विचारला. या परिस्थितीत शरद पवारांनी भूमिका घ्यावी, अशी विनंती ते करणार असतील, असं प्रवीण दरेकर म्हणाले.
महाराष्ट्रातील जनतेला आजही उद्धव ठाकरे, शरद पवार किंवा काँग्रेस नेते आरक्षणाच्या विषयाकडे नुसते लांबून पाहतात, भूमिका नाही, असं वाटतं. आरक्षण टिकवण्यासाठी सगळे एकत्र राहणार आहोत का? यासारख्या काही अनुत्तरित प्रश्नांवर एकत्र बसून मार्ग निघावा, अशी मुख्यमंत्र्यांची अपेक्षा आहे. हे समजून घेण्यासाठी भुजबळ गेले असावेत, असं दरेकर टीव्ही९ मराठी वृत्तवाहिनीशी बोलताना म्हणाले.
MLC Election 2024: ठाकरेंकडून मविआ सोडण्याचा इशारा; पवारांचे अनेक कॉल, पण नो रिस्पॉन्स; MLC निवडणुकीआधी घमासान
भुजबळांचा अंदाज लागत नाही
दरम्यान, छगन भुजबळ यांना लोकसभा किंवा राज्यसभा निवडणुकात संधी न मिळाल्याने ते पक्षात अस्वस्थ असल्याच्या चर्चा होत्या, या भेटींचा त्याच्याशी काही संबंध असेल का, असा प्रश्न प्रवीण दरेकर यांना विचारला असता, छगन भुजबळांच्या अस्वस्थतेविषयी काही सांगता येत नाही, मात्र त्यांचं राजकारण नेहमीच सनसनाटी राहिलं आहे. ते अस्वस्थ असतात, पुन्हा जोरात बाहेर पडतात. अशावेळी त्यांचा अंदाज लागत नाही, बेधडक असा तो नेता आहे. त्यामुळे अस्वस्थ आहेत की ओबीसी मराठा आरक्षणासंदर्भात भूमिका जाणून घ्यायची आहे, हे ते परत आल्यावरच समजू शकेल, असं दरेकर म्हणाले.