प्रमोद महाजन आणि गोपीनाथ मुंडे हे एकमेकांचे मित्रही आणि नातेवाईकही. प्रमोद महाजनांची भगिनी प्रज्ञा ही गोपीनाथ मुंडे यांची पत्नी. एका अर्थाने तिघी सख्ख्या आत्ते-मामे बहिणीच एकाच वेळी संसदीय राजकारणातून दूर झाल्या आहेत.
प्रमोद महाजन यांची २००६ मध्ये हत्या झाली. त्यानंतर २०१४ च्या लोकसभा निवडणुकीत त्यांच्या कन्या पूनम महाजन मैदानात उतरल्या आणि सलग दोन वेळा मोदी लाटेत निवडूनही आल्या. मात्र उत्तर मध्य मुंबई मतदारसंघात त्यांच्याविषयी रोष असल्याच्या कारणावरुन त्यांना तिकीट नाकारण्यात आलं. त्यामुळे पूनम महाजन आता संसदीय राजकारणापासून दूर राहिल्या आहेत.
दुसरीकडे, गोपीनाथ मुंडे २०१४ च्या लोकसभा निवडणुकीत बीड मतदारसंघातून विजयी झाले. केंद्रीय मंत्रिपदाची शपथ घेण्यासाठी ते राजधानी दिल्लीतही दाखल झाले. मात्र ज्या दिवशी गावात त्यांच्या सत्काराचा कार्यक्रम होता, त्याच दिवशी त्यांना अपघाती मृत्यूने गाठलं. त्यांच्या निधनानंतर झालेल्या पोटनिवडणुकीत त्यांच्या द्वितीय कन्या प्रीतम मुंडे यांना तिकीट देण्यात आलं. त्या सहा लाखांहून अधिक मताधिक्य मिळवत विजयी झाल्या. प्रीतम मुंडेंनी सलग दोन टर्म राखल्या, मात्र यंदा त्यांच्याऐवजी मोठ्या भगिनी पंकजा मुंडे यांना उमेवारी देण्यात आली. त्यामुळे प्रीतम मुंडेही बाद झाल्या.
दुसरीकडे, बीड लोकसभेच्या अत्यंत अटीतटीच्या झालेल्या लढतीत महायुतीच्या उमेदवार पंकजा मुंडे यांचा महाविकास आघाडीचे उमेदवार बजरंग सोनवणे यांनी सहा हजार ५८५ मतांनी पराभव केला.
Kalyan Lok Sabha : राजू दादा, पाळला वादा; श्रीकांत शिंदेंना मनसे उमेदवार समजून मतं द्या, पाटील शब्दाला जागलेRead Latest Maharashtra News Updates And Marathi News
बीड लोकसभा मतदारसंघात आधीपासूनच मराठा आरक्षण आंदोलनाची धग जाणवत होती. निकालावरून मराठा आंदोलनाचा प्रभाव दिसून आला. बजरंग सोनवणे यांची तुतारी वाजणार की भारतीय जनता पक्षाचा बालेकिल्ला अशी ओळख असलेल्या बीड लोकसभेत पंकजा मुंडेचे कमळ पुन्हा फुलणार, याकडे सर्वांचे लक्ष लागले होते. मात्र पंकजा मुंडेना मात देऊन बजरंग सोनवणे विजयी झाले. त्यामुळे विधानसभेनंतर पंकजा मुंडेंना आता दुसऱ्यांदा पराभवाचा धक्का बसला आहे. साहजिकच त्याही संसदीय राजकारणापासून दूर झाल्या आहेत.