पुण्यातील गजबजलेल्या जंगली महाराज रोडवर गॅस गळती, मोठ्या आवाजामुळे नागरिकांत घबराट

पुणे : पुण्यातील जंगली महाराज रस्त्यावर मोठी गॅस गळती झाल्याचं वृत्त समोर आलं आहे. रस्त्याचं काम सुरु असताना वायू गळती झाल्याची माहिती उघड झाली आहे. शिवम हॉटेलच्या समोरच्या भागात ही गॅस गळती झाल्याचं सांगितलं जात आहे. यावेळी मोठ्या प्रमाणात आवाज येत असल्याचं रहिवाशांनी सांगितलं आहे. या घटनेमुळे आजूबाजूला राहणाऱ्या नागरिकांमध्ये काही काळ घबराट पसरली होती.

गजबजलेल्या मार्गावर गॅस गळती

पुण्यातील जंगली महाराज रोड हा दिवसाच्या कुठल्याही वेळी गजबजलेलाच असल्याचं पाहायला मिळतं. फक्त पादचाऱ्यांचीच नाही, तर वाहनांचीही वर्दळ दिवस-रात्रीच्या कुठल्याही प्रहरी सुरु असते. महाविद्यालयीन विद्यार्थी असोत, किंवा पर्यटक असोत किंवा परिसरातील रहिवासी असोत, गर्दीने जेएम रोड कायमच फुललेला असतो. अशातच इथे गॅस गळती झाल्याची बातमी समोर आल्याने मोठी चिंता व्यक्त केली जात आहे.
Vasai Murder : हरियाणाचा अनाथ रोहित, माणूसकीशून्य ‘बघ्यां’समोर मैत्रिणीचा खून, ८ जूनच्या घटनेने आरती वाचली असती?

शिवम हॉटेलच्या समोर गॅस गळती

पुण्यातील जंगली महाराज रस्त्यावरील शिवम हॉटेलच्या समोर गॅस गळती झाल्याने एकच खळबळ उडाली. जेएम रोडवरील या भागातील रस्त्याचं काम सुरु होतं. हे काम चालू असतानाच अचानक खोदकामाच्या दरम्यान गॅस लीकेज सुरु झाल्याची माहिती आहे. सुदैवात यात कुठलीही हानी झाल्याचं वृत्त समोर आलेलं नाही.
Mayuri Pawar : फेमस नाही व्हायचंय, फेवरेट व्हायचंय; १३ लाख जणांचा जीव टांगणीला लावणारी मयुरी पवार कोण?

परिसरात भीतीचं वातावरण

वायू गळती सुरु झाल्यावर मोठ्या प्रमाणात आवाज येत असल्याने आसपासच्या भागातील नागरिकांमध्ये भीतीचे वातावरण पसरले होते. काही काळ नेमकं काय सुरु आहे, हे समजण्यात नागरिकांना वेळ गेला, मात्र वायू गळती झाल्याची बातमीही वाऱ्यासारखी पसरली आणि एकच गोंधळ उडाला. या बातमीसरशी परिसरात भीतीचं वातावरण निर्माण झालं.
Read Latest Maharashtra News Updates And Marathi News

खबरदारीचा उपाय

प्रशासनाला घटनास्थळी पाचारण करण्यात आलं असून थोड्याच वेळात गॅस गळतीवर नियंत्रण मिळवण्यात येईल, अशी आशा व्यक्त केली जात आहे. मात्र तूर्तास परिसरातील नागरिकांना घरात बसण्यास सांगण्यात आले असून खबरदारीचा उपाय म्हणून हानी टाळण्यासाठी दुकानंही बंद करण्यात आली आहेत.