प्रतिनिधी, पुणे :‘कल्याणीनगर येथे अपघात झाला, त्या वेळी कार कोण चालवित होते. ‘ब्लॅक’ आणि ‘कोझी’ पबमध्ये कोण-कोण उपस्थित होते; तसेच ससून रुग्णालयात रक्ताचे नमुने घेण्यात आले, तेव्हा कोण उपस्थित होते,’ आदी प्रश्नांची विचारणा शहर पोलिसांच्या पथकाने बाल निरीक्षणगृहात असलेल्या कल्याणीनगर अपघात प्रकरणातील अल्पवयीन कारचालकाला केली. त्यावर ‘नेमके आठवत नाही, लक्षात येत नाही,’ अशी उत्तरे मुलाने दिल्याचे पोलिस अधिकाऱ्यांनी सांगितले.कल्याणीनगर अपघात प्रकरणात अल्पवयीन मुलाची पालकांसमोर चौकशी करण्यास बाल न्याय मंडळाने पोलिसांना परवानगी दिली. त्यानंतर येरवड्यातील बाल न्याय मंडळाच्या कार्यालयात गुन्हे शाखेतील अधिकाऱ्यांनी शनिवारी सकाळी सुमारे एक ते दीड तास चौकशी केली. त्या वेळी मुलाची आई शिवानी अगरवाल आणि बाल संरक्षण अधिकारी उपस्थित होते. पोलिसांच्या प्रश्नांवर तपासादरम्यान अल्पवयीन मुलाने फारशी माहिती दिली नाही. उडवाउडवीची उत्तरेही दिल्याचे पोलिसांनी सांगितले.
पोलिसांनी विचारलेल्या प्रश्नांना मुलाने त्रोटक उत्तरे दिली. अपघात झाला, तेव्हा कारमध्ये आणखी कोण होते? कार कोण चालवित होते? अपघात नेमका कसा झाला? यांसह अनेक प्रश्न पोलिसांनी मुलाला विचारले. तेव्हाचे आता काही आठवत नाही, असे उत्तर मुलाने दिल्याची माहिती सूत्रांनी दिली. या चौकशीदरम्यान, शिवानी अगरवाल यांनाही काही प्रश्न विचारण्यात आले. मात्र, त्यांनीही उत्तरे दिली नसल्याचे पोलिसांनी सांगितले.
पोलिसांनी विचारलेल्या प्रश्नांना मुलाने त्रोटक उत्तरे दिली. अपघात झाला, तेव्हा कारमध्ये आणखी कोण होते? कार कोण चालवित होते? अपघात नेमका कसा झाला? यांसह अनेक प्रश्न पोलिसांनी मुलाला विचारले. तेव्हाचे आता काही आठवत नाही, असे उत्तर मुलाने दिल्याची माहिती सूत्रांनी दिली. या चौकशीदरम्यान, शिवानी अगरवाल यांनाही काही प्रश्न विचारण्यात आले. मात्र, त्यांनीही उत्तरे दिली नसल्याचे पोलिसांनी सांगितले.
जामीन अर्जावर पाच जूनला सुनावणी
कल्याणीनगरमधील अपघात प्रकरणातील अल्पवयीन मुलाला कार चालविण्यास देण्याबरोबरच अल्पवयीन मुलासह त्याच्या मित्रांना मद्य पुरविल्याप्रकरणी अटकेत असलेले बांधकाम व्यावसायिक, कोझी व ब्लॅक पबच्या मालकांसह कर्मचाऱ्यांनी जामिनासाठी अर्ज केला आहे. या अर्जावर शनिवारी (१ जून ) होणारी सुनावणी बुधवारपर्यंत (५ जून) पुढे ढकलण्यात आली आहे. आरोपींच्या जामीन अर्जावर म्हणणे मांडण्यासाठी तपास अधिकाऱ्यांनी १५ दिवसांची मुदत मागितली होती. मात्र, त्यास बचाव पक्षाने विरोध केला होता. दोन्ही बाजूंचा युक्तिवाद ऐकून घेऊन न्यायालयाने पोलिसांना शनिवारी (एक जून) आपले म्हणणे मांडण्याची सूचना केली होती. मात्र, पुढील सुनावणी पाच जूनला होणार असल्याचे बचाव पक्षाकडून सांगण्यात आले आहे.