संभाजी महाराज हे मावळ तालुक्यातील देहूगांव येथील रहिवाशी आहेत. संभाजी महाराज हे तुकाराम महाराज्यांच्या जीवन चरित्राचा अभ्यास करून कीर्तन, प्रवचन आणि चरित्र कथन या माध्यमांतून तुकोबारायांच्या आध्यात्मिक जीवनकार्याचा प्रचार आणि प्रसार केला आहे. त्यांनी अनेक वर्ष विना पादत्राणे वारी केली आहे.
तुकाराम महाराज पालखी सोहळ्याला अवघे दोन दिवस बाकी असताना वंशाजाचे निधन झाले आहे. संत तुकाराम महाराज यांचे अकरावे वंशज ह.भ.प प्रशांत महाराज मोरे यांचे ते वडील होत. आषाढी कार्तिकीच्या निमित्ताने त्यांनी महाराष्ट्रभर कीर्तन प्रवचने केली आहेत. संभाजी महाराज यांनी कीर्तनाची परंपरा चालवली आता त्यांचे चिरंजीव प्रशांत महाराज देहूकर ही पुढे नेत आहेत.
संत तुकाराम महारांजांचे वंशज अनेक परंपरागत वारसा पूढे चालवत आहेत. सांभाजी महाराज यांनी राज्यात अनेक ठिकाणी जाणून कीर्तन सेवा केली आहे. संभाजी महाराज यांच्या जाण्याने मोरे घराण्याचे मोठे नुकसान झाले आहे. संभाजी महाराज्यांची कीर्तन सेवा अखंड महाराष्ट्रभर परिचित होती. त्यांच्या कीर्तन सोहळ्याला नागरिक मोठ्या संख्येने गर्दी करत असत. आज सायंकाळी त्यांच्या पार्थिवावर अंत्य संस्कार करण्यात आले. संपूर्ण गावातील नागरिकानी त्यावेळी उपस्थिती दर्शवली होती. त्यांच्या आत्म्यास शान्ति मिळो अशी भावना अनेक वारकऱ्यांनी व्यक्त केली आहे.