अल्पवयीन आरोपीला वैद्यकीय चाचणीसाठी जेव्हा ससून रुग्णालयात आणण्यात आलं, त्यावेळी त्याचे काही नातेवाईकही त्याच्यासोबत होते. त्यांनी त्या मुलाचे सॅम्पल कचऱ्यात फेकले. त्याऐवजी दुसऱ्याच व्यक्तीचे रक्ताचे नमुने तपासणीसाठी देण्यात आले. हे नमुने पुरुषाचे नसून महिलेचे असल्याचं सखोल वैद्यकीय तपासणीत समोर आलं. त्यामुळे हे सॅम्पल मुलाच्या आईचे असल्याचा संशय व्यक्त केला जात आहे. चौकशी समितीच्या तपास अहवालात याविषयी उल्लेख असल्याची माहिती आहे.
दरम्यान, अल्पवयीन मुलाच्या रक्ताच्या नमुन्यात फेरफार केल्याप्रकरणी डॉ. अजय तावरे आणि अतुल घटकांबळे यांना निलंबित करण्यात आले आहे. डॉ. श्रीहरी हाळनोर कंत्राटी असल्याने त्याची सेवा तातडीने रद्द करण्यात आली आहे. या संपूर्ण प्रकरणात संस्थाप्रमुख म्हणून एकूण कारभारावर नियंत्रण ठेवण्यात अपयशी ठरल्याचा ठपका ठेवून, ससून रुग्णालयाचे अधिष्ठाते डॉ. विनायक काळे यांना सरकारने सक्तीच्या रजेवर पाठवले आहे.
अल्पवयीन आरोपीच्या रक्त नमुन्यात फेरफाराची चौकशी करण्यासाठी वैद्यकीय शिक्षण विभागाने सोमवारी रात्री मुंबईतील जेजे वैद्यकीय महाविद्यालयाच्या अधिष्ठाता डॉ. पल्लवी सापळे यांच्या अध्यक्षतेखाली समिती स्थापन केली होती. समितीने मंगळवारी (२८ मे) रोजी ‘ससून’मध्ये चौकशी केली होती. चौकशी समितीच्या अहवालाच्या आधारे कारवाई करण्यात आल्याचे राज्य सरकारने बुधवारी स्पष्ट केले.
Pune Porsche Accident : पोर्शे अपघातावेळी गाडीत आमदारपुत्र, पटोलेंचा दावा; शिंदेंचा अमितेश कुमारांना फोन, बडी धेंडंही सोडू नका
‘वारंवार गैरप्रकार होत असतानाही अधिकाऱ्यांवर कारवाई का केली जात नाही? डॉ. तावरेचा पाठीराखा कोण? दीड वर्षांत पाच अधीक्षक नेमले गेले. त्यासाठी कोणकोणत्या आमदारांनी पत्रे दिली? असे अडचणीत आणणारे प्रश्न माध्यमांच्या प्रतिनिधींनी विचारले असता, त्यावर खुलासा करण्याऐवजी डॉ. विनायक काळे यांनी ‘पत्रकार परिषद संपली’ असे जाहीर केले आणि ते कक्षातून निघून गेले. माध्यमांनी त्यांना पुन्हा पुन्हा प्रश्न विचारले. मात्र, त्यांनी दालनाचा दरवाजा बंद केला आणि थेट पोलिस बंदोबस्त मागविला.
Read Latest Maharashtra News Updates And Marathi News
चौकशी अहवालात काय?
अधिष्ठाता म्हणून डॉ. काळे यांनी प्रशासनावर नियंत्रण ठेवले नाही.
गैरप्रकार घडल्यानंतर वेळेत वैद्यकीय शिक्षण विभागाला कळवले नाही.
रक्तनमुना घेताना नियमांचे पालन केले गेले नाही.