अजित पवार हे पुण्याचे पालकमंत्री आहेत. त्यांनी चंद्रकांत पाटील यांच्याकडून ती जबाबदारी काढून घेतली आणि स्वत: पुणे जिल्ह्याची सूत्रे हाती घेतली. आता पुणे सर्व चुकीच्या कारणांसाठी चर्चेत असताना ते गप्प का आहेत? सुशिक्षित शहर म्हणून पुण्याची प्रतिमा डागाळली आहे. मद्यपान करून वाहन चालवणे आणि लोकांना मारणे ही पुण्यातील नवीन पद्धत दिसते आहे. परंतु पुणेकरांमध्ये विश्वास निर्माण करण्यासाठी आणि आरोपांना उत्तर देण्यासाठी जिल्ह्याचे पालकमंत्री कुठेच दिसत नाहीत, असं म्हणत संजय राऊतांनी दादांना सुनावलं आहे.
अजित पवारांना उन्हात प्रत्येक विषयावर बोलायचं असतं. अगदी छोट्या छोट्या मुद्द्यांवरही ते माध्यमांना बाइट्स देतात. पुण्यातील पत्रकारांशी ने नियमितपणे संवाद साधतात, पुणे मेट्रोने प्रवास करतात, सकाळी लवकर उठतात आणि सकाळी ६ वाजता प्रकल्पांना भेट देतात. अजित पवार म्हणतात की ते शिस्तप्रिय व्यक्ती आहेत. ते कधीच चुकीचं काही सहन करुन घेणार नाही असं ते जगाला सांगतात.
आता त्यांच्या सो कॉल्ड सेन्स ऑफ अरजन्सीचे काय झाले. दोन तरुणांचा मृत्यू, एका श्रीमंत बांधकाम व्यावसायिकाच्या अल्पवयीन मुलाने बेदरकारपणे आणि निष्काळजीपणे गाडी चालवणे, ही गंभीर समस्या नाही का? अजित पवार अजूनही का झोपलेले आहेत? जिल्ह्याचे पालकमंत्री म्हणून त्यांनी आपली भूमिका सोडलेली दिसते. ते पुण्याचे पालकमंत्री आहेत की बिल्डरचे पालकमंत्री,’ असा सवालही यावेळी राऊतांनी उपस्थित करत अजित पवार पुण्याची संस्कृती समजून घेण्यात अपयशी ठरले आहेत.