दादांचे आमदार परतणार माघारी?
लोकसभा निवडणुकीत १० जागा लढवून ८ जागा जिंकणाऱ्या शरद पवारांच्या राष्ट्रवादी काँग्रेसनं आता विधानसभा निवडणुकीची तयारी सुरु केली आहे. लोकसभेत अजित पवार गटाला बसलेला धक्का आणि त्यानंतर महायुतीत एकटे पडलेले अजितदादा ही स्थिती पाहता त्यांच्याकडचे बरेच आमदार माघारी फिरण्याच्या तयारीत आहेत. त्यातच शरद पवारांनी सरसकट सगळ्याच आमदारांच्या घरवापसीला विरोध नसल्याचं म्हणत सूचक विधान केलं आहे. अधिक बातमी वाचा सविस्तर…
तेलही गेलं, तूपही गेलं, शिंदेंच्या आमदाराच्या हाती…
लोकसभा निवडणुकीत सपाटून मार खाणाऱ्या महायुतीनं आता विधानसभेची तयारी सुरु केली आहे. विदर्भात काँग्रेसनं मुसंडी मारत भाजपला घाम फोडला. विदर्भाचा बालेकिल्ला कायम राखण्यासाठी आता भाजपनं कंबर कसली आहे. नागपूर ग्रामीणमधील सगळ्याच सगळ्या म्हणजे सहा जागांवर लढण्याची तयारी भाजपनं सुरु केली आहे. त्यामुळे शिंदेसेना आणि शिंदे समर्थक आमदारांची धाकधूक वाढली आहे.
मुंबईकरांचा वेळ वाचणार, आता घरी लवकर पोहोचणार
हार्बर मार्गावरील प्रवाशांचा प्रवास आता अधिक वेगवान होणार आहे. मध्य रेल्वेने टिळकनगर ते पनवेलदरम्यान लोकल फेऱ्यांच्या वेगवाढीला मंजुरी दिली आहे. यामुळे छत्रपती शिवाजी महाराज टर्मिनस (सीएसएमटी) ते पनवेल प्रवास ७६ मिनिटांत होणार आहे, तर सीएसएमटी ते बेलापूर प्रवासाला ६१ मिनिटे लागणार आहेत. सध्याच्या तुलनेत प्रवाशांची तीन ते चार मिनिटे वाचणार आहेत. अधिक बातमी वाचा सविस्तर…
पुण्यात पब, बारसह हॉटेलवर हातोडा
नामदार गोपाळकृष्ण गोखले रस्त्यावरील (फर्ग्युसन रस्ता) अमली पदार्थांचा वापर झालेल्या ‘एल-३’ बारसह, हॉटेल वैशाली, कल्चर, बालेवाडी हाय स्ट्रिट, खराडी; तसेच शिवाजीनगर परिसरातील ३० हून बार, हॉटेलवर महापालिकेने कारवाई करून बेकायदा बांधकाम पाडले. मुख्यमंत्री एकनाथ शिंदे यांनी ‘बुलडोझर’ फिरविण्याच्या दिलेल्या आदेशांनुसार ‘एल-३’ बारमधील बार काउंटरसह फर्निचरची तोडफोड करण्यात आली.
शेवटचे अधिवेशन वादळी?
लोकसभा निवडणूक निकालाच्या पार्श्वभूमीवर उद्या, गुरुवारपासून सुरू होणारे राज्य विधिमंडळाचे पावसाळी अधिवेशन वादळी ठरणार आहे. लोकसभा निवडणुकीत राज्यात महाविकास आघाडीने मुसंडी मारल्याने आता अधिवेशनाच्या पहिल्या दिवसापासून ते सत्ताधाऱ्यांना घेरण्याच्या तयारीत आहेत. मराठा आणि ओबीसी समाजाच्या आरक्षणावरून राज्यात पेटलेल्या वातावरणाची झळ अधिवेशनाला बसण्याची चिन्हे आहेत.
विधान परिषदेच्या चार जागांसाठी निवडणूक, आज मतदान
आज महाराष्ट्रात विधान परिषदेच्या चार जागांसाठी निवडणूक पार पडणार आहे. यामध्ये दोन शिक्षक तर दोन पदवीधर मतदार संघांचा समावेश आहे. मुंबई, कोकणमध्ये पदवीधर मतदारसंघ, तर नाशिक आणि मुंबई शिक्षक मतदारसंघात ही निवडणूक पार पडणार आहे. या जागांसाठी आज मतदान होणार आहे तर १ जुलै रोजी मतमोजणी होईल. लोकसभेप्रमाणे या निवडणुकीतही महाविकास आघाडी आणि महायुतीमध्ये रस्सीखेच सुरु आहे. अधिक बातमी वाचा सविस्तर…
अरविंद केजरीवाल गोत्यात!
दिल्लीचे मुख्यमंत्री अरविंद केजरीवाल यांना सीबीआयने अबकारी धोरण प्रकरणात अटक केली आहे. त्यांना मंगळवारी (२६ जून) न्यायालयात हजर केले जाणार आहे. केजरीवाल सध्या तिहार तुरुंगात आहेत. त्यांना २१ मार्च रोजी ईडीने अटक केली होती. अरविंद केजरीवाल यांच्या जामीन याचिकेवर मंगळवारी सुप्रीम कोर्टात सुनावणी होणार आहे. त्याआधी सीबीआयने त्यांना अटक केली आहे.
‘मी माझा सुपरहिरो गमावला…’
शेअर मार्केटमध्ये योग्य कंपनीच्या स्टॉकमध्ये पैसा गुंतवला तर चांगला परतावा मिळणे निश्चित आहे. आतापर्यंत बाजारातील असंख्य शेअर्सनी अल्पावधीतच गुंतवणूकदारांना श्रीमंत केले असून आज आपण अशाच एका स्टॉकबद्दल जाणून घेणार आहोत ज्यामध्ये अजूनही खरेदीसाठी गुंतवणूकदारांची झुंबड उडाली आहे. या स्टॉकने केवळ दोन वर्षांत सात पटीने परतावा दिला असून कंपनी मौल्यवान दागिने विक्रीच्या व्यवसायात गुंतली आहे.
गुलबदिन नायबचा ड्रामा अफगाणिस्तान संघाच्या अंगलट
वर्ल्डकपमधील सर्वात रोमांचक सामना हा अफगाणिस्तानविरुद्ध बांगलादेश यांच्यात रंगला. बांगलादेशचा ८ धावांनी पराभव करून अफगाणिस्तानने अखेर सेमी फायनल फेरी गाठली. अफगाणिस्तानच्या विजयानंतर आता सगळीकडून त्यांच्यावर कौतुकाचा वर्षाव होत आहे. या सामन्यात एका गोष्टीची जास्त चर्चा झाली ती म्हणजे अफगाणिस्तानच्या अष्टपैलू गुलबदिन नायबची.
इंग्लंडवर पराभवाचं सावट?
ICC T20 विश्वचषक २०२४च्या दुसरा उपांत्य सामना भारत आणि इंग्लंड यांच्यात उद्या २७ जून रोजी गयाना येथील प्रोव्हिडन्स क्रिकेट स्टेडियमवर खेळवला जाईल. गेल्या T20 विश्वचषकात २०२२ मध्ये भारत आणि इंग्लंड यांच्यात सेमीफायनल झाली होती. मात्र, या सामन्यात इंग्लंडने भारताचा १० गडी राखून पराभव केला. ऑस्ट्रेलियानंतर टीम इंडियाला इंग्लंडकडूनही आपला जुना बदला नक्कीच घ्यायला आवडेल. अशा परिस्थितीत आम्ही तुम्हाला त्या ३ खेळाडूंबद्दल सांगणार आहोत जे इंग्लंडची डोकेदुखी ठरु शकतात.