शुक्रवारी पहाटे ३ च्या सुमारास घडलेल्या या घटनेत अनिस अहुदिया आणि अश्विनी कोस्टा यांचा मृत्यू झाला. हे दोघे पुण्यात आयटी कंपनीत जॉब करत होते, दोघे तरुण हे परराज्यातले असून काल रात्री उशिरा त्यांच्या कुटूंबियांच्या ताब्यात त्यांचे मृतदेह देण्यात आले. आरोपी अल्पवयीन तरुण हा प्रसिद्ध बिल्डर, ब्रम्हा कॉर्पचे संचालक विशाल अगरवाल यांचा मुलगा वेदांत अगरवाल आहे, असं आरोपीच नाव आहे.
सुट्टीच्या विशेष कोर्टाने अटकेच्या १५ तासांतच वेदांतला जमीन मंजूर केला आहे. आरोपी वेदांत अगरवालला न्यायाधीश धनवडे यांच्यासमोर हजर करण्यात आले होते. त्यावेळी वेदातंचे वकील प्रशांत पाटील यांनी बाजू मांडली. घडलेली घटना दुर्दैवी असली तरी जे कलम लावण्यात आले आहेत त्यामधे जामीन मिळण्याची तरतूद असल्याचं त्यांनी कोर्टाच्या निदर्शनास आणून दिलं. न्यायालयाने ही बाब मान्य करुन वेदांत अगरवालाला जामीन मंजूर केला. मात्र, काही प्रमुख अटी व शर्तींसह न्यायालयाने हा जामीन मंजूर केला आहे. त्यानुसार, वेंदातला १५ दिवस ट्रॅफिक पोलिसांसोबत चौकात काम करावे लागेल.
यामध्ये अपघातातील आरोपी वेदांतला न्यायालयात हजर केले असता पोलिसांनी फिर्यादीच्या बाजुने भूमिका मांडता वेदांतच्या जामीनाला विरोध केला होता. विशेष म्हणजे वेदांत दारू पिल्याचे प्रथमदर्शनी दिसत असले तरी पोलिसांनी या बाबातचा रिपोर्ट अद्याप आला नसल्याचं कारण देत तो दारु प्यायल्याची बाब न्यायालयाच्या निदर्शनास आणून दिली नाही. मात्र, आरोपीविरुद्ध लावण्यात आलेल्या कलमातील तरतुदींनुसार वेदांत जामीनास पात्र असल्याने त्यास जामीन मंजूर करण्यात आला आहे. बेदरकारपणे कार चालवून दोघांच्या मृत्युला कारणीभूत ठरलेल्या वेदांत अगरवालला जामीन मंजूर करताना न्यायालयाने घातलेल्या अटी अतिशय आश्चर्यचकारक आहेत.
वेदांत अगरवालयाला ट्राफिक पोलिसांसोबत चौकात काम करावं लागेल? आपण जर रोजचे पोलिसांसोबतचे अनुभव पाहिले तर झेबरा क्रॉसिंग पुढे गाडी गेली तरी चालान पडतं, अति घाई असल्यामुळे आपण सिग्नल क्रॉस केला, तरी ट्राफिक पोलिस पावती शिवाय सोडत नाही आणि गाडी टो केली तर मग डबल पावती घेतल्या बिगर पोलिस सोडत नाही. सामान्य नागरिकांसाठी एवढे कडक नियम असताना कोर्टाने वेदांतवर काय अति निर्बंध घातले पाहूया –
- वेदांत अगरवालला पंधरा दिवस ट्रॅफिक कॉन्स्टेबलसोबत चौकात उभे राहून वाहतुकीचे नियोजन करावे लागणार आहे.
- वेदांत अगरवालला मानसोपचार तज्ञांकडून उपचार घ्यावे लागणार आहेत.
- वेदांत अगरवालला भविष्यात अपघात झाल्याचे दिसल्यास त्याला अपघातग्रस्तांना मदत करावी लागेल.