मुंबई : महाराष्ट्रासह मुंबईतही मान्सून काही दिवसांपूर्वी दाखल झाला. मात्र त्यानंतर मुंबईत पाऊस चांगला होत नसल्याचं चित्र आहे. मुंबईत पावसाचा जोर कमी-जास्त होताना दिसतो आहे. अशा परिस्थितीत मुंबईकरांना चांगल्या पावसासाठी आणखी वाट पाहावी लागणार आहे. हवामान तज्ज्ञांनी दिलेल्या माहितीनुसार, पुढील तीन दिवसांपर्यंत पासिंग शॉवर असणार आहेत. आतापर्यंत जुलै महिन्यापर्यंत मुंबईत जवळपास ३० टक्के पाऊस झाला आहे. मुंबई सोडून इतर राज्यातील भागांमध्ये चांगला पाऊस होत आहे. मात्र मुंबईत सध्या अशी परिस्थिती आहे, की ढगाळ हवामान होऊन, ढग येऊन पाऊस केवळ काही हलक्या सरींसह येतो आणि नंतर थांबतो आहे. अशाप्रकारे पावसाचा लपंडाव मुंबईत पाहायला मिळतो आहे.
मुंबई महानगरपालिकेकडून मिळालेल्या आकड्यांनुसार, गुरुवारी सकाळी ८ वाजल्यापासून ते शुक्रवारी सकाळी ८ पर्यंत शहरात ७.८४ एमएम, पूर्व उपनगरात १२.७७ एमएम आणि पश्चिम उपनगरात २२.६१ एमएम पाऊस झाला. मुंबईत आतापर्यंत जितका पाऊस होणं गरजेचं होतं, तितका पाऊस झाला नाही. मुंबईत मुसळधार पाऊस नसून मागील काही दिवसांपासून रिमझिम, हलक्या स्वरुपाचा पाऊस सुरू आहे.
मुंबई महानगरपालिकेकडून मिळालेल्या आकड्यांनुसार, गुरुवारी सकाळी ८ वाजल्यापासून ते शुक्रवारी सकाळी ८ पर्यंत शहरात ७.८४ एमएम, पूर्व उपनगरात १२.७७ एमएम आणि पश्चिम उपनगरात २२.६१ एमएम पाऊस झाला. मुंबईत आतापर्यंत जितका पाऊस होणं गरजेचं होतं, तितका पाऊस झाला नाही. मुंबईत मुसळधार पाऊस नसून मागील काही दिवसांपासून रिमझिम, हलक्या स्वरुपाचा पाऊस सुरू आहे.
मुंबईत कशी असेल पावासाची स्थिती?
प्रादेशिक हवामान विभागाचे संचालक सुनील कांबळे यांनी दिलेल्या माहितीनुसार, मुंबईत पुढील तीन दिवस चांगल्या किंवा मुसळधार पावसाचा अंदाज नाही. आतापर्यंत मुंबईत फारसा चांगला पाऊस झालेला नाही. मुंबई सोडून महाराष्ट्रातील उर्वरित भागात चांगला पाऊस पडत आहे. मुंबईत ढगाळ वातावरणासह हलक्या सरी येतात. येत्या काही दिवसांतही मुंबईची कमी – अधिक प्रमाणात अशीच परिस्थिती राहणार असल्याची माहिती हवामान विभागाकडून देण्यात आली आहे. दरवर्षीच्या तुलनेत आताच्या कालावधीत यंदा मुंबईत ३० ते ४० टक्के पाऊस कमी झाला आहे. मुंबईला पाणीपुरवठा करणाऱ्या तलावांच्या पाणलोट क्षेत्रातही चांगला पाऊस झालेला नाही. दरम्यान, महाराष्ट्रात पुढील दोन दिवस मुसळधार पावसाचा अंदाज हवामान खात्याने वर्तवला आहे. घाट भागात अतिवृष्टीचा इशारा देण्यात आला आहे.