पुणे (मावळ) : पुण्यातील मावळ तालुक्यात अनेक पर्यटक फिरण्यासाठी येतात. गेल्या १५ दिवसांमध्ये बुडून मृत्यू झाल्याच्या घटनांमध्ये देखील वाढ झाली आहे. त्याचदरम्यान, अशीच एक धक्कादायक घटना घडली आहे. त्यातच कासार साईधरण परिसरामध्ये पाच विद्यार्थी फिरण्यासाठी आले होते. ते धरणाच्या पाण्यामध्ये पोहण्यासाठी उतरले. मात्र, त्यातील एका विद्यार्थ्याला पाण्याचा अंदाज न आल्याने त्याचा बुडून मृत्यू झाला आहे. या घटनेनं एकच खळबळ उडाली होती. सारंग डोळसे असं बुडून मृत्यू पावलेल्या विद्यार्थ्याचं नाव आहे. तो पिंपरी चिंचवड परिसरातील काळेवाडी इथल्या एमएस महाविद्यालयाचा विद्यार्थी आहे. कॉलेजला दांडी मारून हे पाच मित्र कासार साईधरण परिसरामध्ये फिरण्यासाठी आले असल्याची माहिती समोर आली आहे.घटनेची माहिती मिळताच शिरगाव परतवाडी पोलीस स्टेशनचे अधिकारी घटनास्थळी दाखल झाले. त्यानंतर त्यांनी रेस्क्यू टीमला पाचारण केले. यावेळी वन्यजीव रक्षक मावळ संस्था, आपदा मित्र मावळ, शिवदुर्ग मित्र लोणावळाचे निलेश संपतराव गराडे, कुनाल दाभाडे, अविष्कार भिडे, सुशांत नगीणे, विकास दोड्डी यांनी रेस्क्यू करत विद्यार्थ्यांना शोधण्यासाठी प्रयत्न सुरू केले. हे पाच मित्र धरण पाहण्यासाठी आले होते. मात्र पाणी पाहून त्यांना खेळण्याचा मोह आवरला नाही. पाण्यात उतरताच ते खोल पाण्यात गेले. या पाण्याचा अंदाज न आल्यामुळे सारंगचा पाण्यात बुडून मृत्यू झाला. मित्रांनी आरडाओरडा केला. मात्र त्याचा काही उपयोग झाला नाही. स्थानिक नागरिकांना याबाबत माहिती मिळाल्यानंतर त्यांनी पोलिसांना फोन केला. त्यानंतर पोलिसांनी पुढील शोधाशोध सुरू झाला.
सारंगचा मृतदेह रेस्क्यू टीमने बाहेर काढला. शवविच्छेदनासाठी तो मृतदेह रुग्णालयात पाठवण्यात आला आहे. धरण परिसरामध्ये फिरायला येताना पर्यटकांनी आपल्या मोहाला आवर घालणे गरजेचे आहे. फिरायला येताना काळजी घेणे गरजेचे असल्याचे प्रशासनाकडून सांगण्यात आले आहे.
सारंगचा मृतदेह रेस्क्यू टीमने बाहेर काढला. शवविच्छेदनासाठी तो मृतदेह रुग्णालयात पाठवण्यात आला आहे. धरण परिसरामध्ये फिरायला येताना पर्यटकांनी आपल्या मोहाला आवर घालणे गरजेचे आहे. फिरायला येताना काळजी घेणे गरजेचे असल्याचे प्रशासनाकडून सांगण्यात आले आहे.
रीलस्टार आनवी कामदारचा मृत्यू
दरम्यान, धबधब्याचा आनंद लुटताना रील काढण्याचा झालेला मोह मुंबईतील २७ वर्षीय तरुणीच्या जीवावर बेतला. theglocaljournal या इन्स्टाग्राम अकाऊण्टवरुन प्रवास आणि जीवनशैलीविषयक ट्रॅव्हलॉग शेअर करणाऱ्या उमद्या तरुणीचा करुण अंत झाला. ३५० फूट उंचावरुन खोल दरीत पडल्यामुळे आनवी कामदार हिला प्राण गमवावे लागले. आनवीच्या मृत्यूमुळे तिच्यासह ट्रेकिंगला गेलेल्या तिच्या सहा सहकाऱ्यांनाही मोठा धक्का बसला आहे. तर कामदार कुटुंबावर दुःखाचा डोंगर कोसळला आहे.