यावर बोलताना ते म्हणाले, सद्‌गुरु शंकर महाराज मठ अशी पवित्र जागा देखील भाजपच्या गुंडांनी सोडली नाही. तेथे देखील हाणामारीचा प्रकार घडला आहे. तसेच दर्शनासाठी आलेल्या भाविकांमध्ये भीतीचे वातावरण पसरले आहे. हेच भाजपचे गुंड लोकसभेच्या निवडणुकीमध्ये पैसे वाटत असल्याचा आरोप त्यांनी या पोस्टच्या माध्यमातून केला आहे. तसेच पोलीस आयुक्त कारवाईचे धाडस दाखवणार का..? असा सवाल देखील त्यांनी प्रशासनाला विचारला आहे.
नेमकं काय घडलं?
मिळालेल्या माहितीनुसार, पुणे लोकसभा निवडणुकीमध्ये महायुतीचे उमेदवार मुरलीधर मोहोळ यांचा चांगल्या मताधिक्याने विजय झाला आहे. यामुळे ते मंदिरात दर्शन करण्यासाठी आले होते. पुण्यात शंकर महाराजांचा मठ आहे. येथे केंद्रीय राज्यमंत्री आणि खासदार मुरलीधर मोहोळ हे दर्शनासाठी आले होते. त्यावेळी भाजपच्या दोन गटात हाणामारी झाली. पहिल्यांदाच खासदार झालेल्या मुरलीधर मोहोळ यांच्या गळ्यात मंत्रिपदाची माळ पडल्याने पुण्यातील भाजपच्या कार्यकर्त्यांमध्ये उत्साह आहे. यामुळे भाजपाकडून मुरलीधर मोहोळ यांच्या अभिनंदनाचे कार्यक्रम विविध भागात घेण्यात येत असल्याचे पाहायला मिळत आहे. अशाच एका कार्यक्रमात भाजपचे कार्यकर्ते एकमेकांसमोर भिडल्याचे समोर आलं आहे.
या प्रकरणी भाजपच्या पदाधिकाऱ्यांना विचारले असता त्यांनी हे आरोप फेटाळून लावले. तसेच असं काहीच घडलं नसल्याचं सांगत भाजपने या प्रकरणापासून आपले हात झटकले आहेत. याप्रकणी मंदिर परिसरात दर्शन करण्यासाठी येणाऱ्या भाविकांना मध्ये भीतीच वातावरण पसरले आहे. सोशल मीडियावर व्हिडिओ व्हायरल होऊन सुद्धा गुन्हा दाखल किंवा त्याची नोंद घेण्यात आली नाही. त्यामुळे विरोधी पक्षांनी हा मुद्दा उचलून धरला आहे.