भाजपचा राजकीय विरोधक नक्की कोण?
रॅपिड फायर राऊण्डमध्ये, भाजपचा राजकीय विरोधक नक्की कोण? असा प्रश्न विचारत सुधीर मुनगंटीवार यांना ‘उद्धव ठाकरे यांची शिवसेना’ की ‘शरद पवार यांची राष्ट्रवादी आणि काँग्रेस’? असे दोन पर्याय देण्यात आले होते. यावर बोलताना मुनगंटीवार म्हणाले, की महाराष्ट्रात राजकीय विरोधक आहेत, ते वैचारिक आहेत. अन्यथा उद्या उद्धव ठाकरे यांनी जर आदित्य ठाकरे यांच्या लग्नाची पत्रिका मला दिली, तर मी १०० टक्के जाईन, ते माझे विरोधक नाहीत, पत्रिका कधी येईल माहिती नाही, असं म्हणत मुनगंटीवारांनी टोलाही हाणला.
राष्ट्रवादीसोबत कमिटी
आम्ही १०१ टक्के जाऊ, आम्ही वैचारिक विरोधक आहोत. शरद पवारांबाबत अजितदादा जे नेहमी म्हणतात, त्याचा मीही साक्षीदार आहे. २०१६-१७ मध्ये शरद पवार म्हणाले होते, की आम्ही तुमच्यासोबत येतो. आमचे तीन – म्हणजे मी, देवेंद्र फडणवीस आणि चंद्रकांत पाटील, तर त्यांचे तीन, सुनील तटकरे, जयंत पाटील आणि अजित पवार अशी कमिटी तयार झाली होती. माझ्याकडे आताही ती कागदं जशीच्या तशी सुरक्षित आहेत, असा दावा सुधीर मुनगंटीवार यांनी केला.
Read Latest Maharashtra News Updates And Marathi News
शरद पवार तेव्हा आमच्या बाजूने यायला निघाले होते, मात्र आता ते आमच्या एवढ्या विरोधात आहेत, की आता म्हणाले, मी असा छळ करणार आहे भटकती आत्मा बनून.. ठीक आहे… त्यांनी कितीही प्रयत्न केला, तरी आमच्याकडे यासंदर्भात उपाय योजना करणारे, रामबाण उपाय असणारे, आयुर्वेदिक जडीबुटी असणारे नेतेही आहेत. व्यवस्थित छळ करण्याची त्यांनी कितीही घोषणा केली, तरी ते करु शकणार नाहीत. आज ते आमचे कट्टर विरोधक झाले, पण त्यांना परमनंट स्थायी विरोधक म्हणण्याची गरज नाही, असं सुधीर मुनगंटीवार यांनी स्पष्ट केलं.
Ram Mandir : अयोध्येतील राम मंदिर माझ्या पराभवाचं कारण, शिंदेंच्या माजी खासदाराने खापर फोडलं
दरम्यान, उद्धव ठाकरे पत्रिकेसोबत मीही महायुतीत येतो, असं म्हणाले तर चालणार आहे का? असा प्रतिप्रश्न विचारला असता, हे कपोलकल्पित आहे, असा खरंच निर्णय झाला, तर त्यावेळी तुम्हाला निश्चितपणे सांगू, असंही मुनगंटीवार मिश्किलपणे म्हणाले.