संबंधित कर्मचाऱ्याला उजव्या हाताच्या मधल्या बोटाचा वरचा भाग अपघातात गमवावा लागला होता. बोटाचा तुकडा गमावलेला कर्मचारी मालाड पोलिसांना सापडला आहे. कर्मचाऱ्याचा डीएनए आईस्क्रिममध्ये सापडलेल्या मानवी बोटाच्या डीएनएशी मॅच केला जाणार आहे. जवळपास महिन्याभरापूर्वी आईस्क्रिमचं पॅकेजिंग करताना अपघात झाला होता. पुण्यातील इंदापूर येथील फॅक्टरीत आईस्क्रिम तयार करण्यात आलं होतं.
काय आहे प्रकरण?
मालाडमधील डॉक्टरला ऑनलाईन मागवलेल्या आईस्क्रिममध्ये मानवी बोटाचा तुकडा सापडला होता. 12 जून रोजी, डॉ ब्रेंडन फराव यांनी डिलिव्हरी ॲपद्वारे तीन यम्मो आईस्क्रिमची ऑर्डर दिली होती; त्यापैकी एकामध्ये मानवी बोटाचा तुकडा सापडला होता. 13 जून रोजी मालाड पोलिसांनी भारतीय दंड संहितेच्या कलम 272 (विक्रीच्या उद्देशाने खाद्यपदार्थात भेसळ करणे), 273 (हानीकारक अन्नाची विक्री) आणि 336 (जीव किंवा वैयक्तिक सुरक्षा धोक्यात आणणे) अंतर्गत यम्मो आईस्क्रिममधील जबाबदार लोकांविरुद्ध एफआयआर नोंदवला.
बोटांचा डीएनए मॅच करणार
या प्रकरणाचा माग काढत पोलीस आईस्क्रिमचं पॅकेजिंग झालेल्या इंदापुरातील कंपनीपर्यंत पोहोचले. तिथे त्यांना बोट तुटलेल्या कर्मचाऱ्याविषयी माहिती मिळाली. धक्कादायक म्हणजे कोणीही या प्रकरणाची पोलिसांना माहिती दिली नव्हती, संबंधित व्यक्तीने खाजगी डॉक्टरांकडे उपचार घेतले.
Vasai Murder : हरियाणाचा अनाथ रोहित, माणूसकीशून्य ‘बघ्यां’समोर मैत्रिणीचा खून, ८ जूनच्या घटनेने आरती वाचली असती?
पोलिसांनी त्याला वैद्यकीय चाचण्यांसाठी पाठवले आहे. त्याचे अहवाल राज्य न्यायवैद्यक विज्ञान प्रयोगशाळेत (एफएसएल) पाठवले जातील. तिथेच गेल्या आठवड्यात संबंधित बोट विश्लेषणासाठी पाठवले गेले होते.
Read Latest Maharashtra News Updates And Marathi News
अन्न सुरक्षा आणि मानक प्राधिकरणाने कंपनीचा परवाना तात्पुरत्या स्वरूपात स्थगित केला आहे. पुढील कार्यवाही होईपर्यंत उत्पादन बंद ठेवण्याच्या सूचना केल्या आहेत. त्याचे पालन करून आम्ही उत्पादन थांबवल्याची माहिती फॉर्च्यून डेअरीच्या मनोज तुपेंनी दिली.