कल्याणीनगर भागात शनिवारी मध्यरात्री भरधाव कारच्या धडकेने दुचाकीवरील दोघांचा मृत्यू झाला. अपघातग्रस्त कारचा चालक अल्पवयीन होता. अल्पवयीन मुलाकडे वाहन चालविण्याचा परवाना नसतानाही त्याच्या वडिलांनी त्यास कार दिली. या प्रकरणी पोलिसांनी मुलाचे वडील विशाल अगरवालवर गुन्हा दाखल केला.
अमृता फडणवीस यांनी ट्विटमध्ये काय म्हटलंय?
अपघातातील मृत अनिश अवधिया आणि अश्विनी कोष्टा यांच्या कुटुंबियांप्रती माझ्या संवेदना आहेत. अपघात प्रकरणात दोषी असलेला वेदांत अगरवालला कठोर शिक्षा झालीच पाहिजे, अशी मागणी करत वेदांतला निबंध लिहायला सांगून जामीन देणाऱ्या बाल न्याय मंडळाचा अमृता फडणवीस यांनी निषेध व्यक्त केला.
वेदांतवर गुन्हा, पण बालहक्क मंडळाकडून जामीन
कल्याणीनगर अपघात प्रकरणात पोलिसांनी आरोपी वेदांतला न्यायालयात हजर केल्यानंतर त्याला लगोलग जामीन मिळाला. मात्र, आरोपी अल्पवयीन असल्याचीही माहिती समोर आली होती. याप्रकरणी येरवडा पोलिस ठाण्यात अल्पवयीन मुलाचे वडील विशाल सुरेंद्र अग्रवाल (वय ५०, रा. ब्रह्मा सनसिटी, वडगाव शेरी, पुणे) विरोधात अल्पवयीन न्याय (मुलांची काळजी व संरक्षण कायदा २०१५) अंतर्गत गुन्हा दाखल करण्यात आला होता.
बालहक्क मंडळाच्या भूमिकेने पोलिसांना धक्का, आरोपीसहित वडिलांवर गुन्हा, ज्यांनी दारू दिली त्यांनाही अटक केली : फडणवीस
आरोपीच्या धनाढ्य बापाला बेड्या
पुण्यातील कल्याणीनगरमध्ये बिल्डरपुत्राकडून झालेल्या अपघात प्रकरणात अल्पवयीन आरोपीच्या बिल्डर बापावर गुन्हा दाखल करण्यात आला. अटकेच्या भीतीने पुण्याहून पसार झालेल्या बिल्डर विशाल अग्रवाल याला दोन साथीदारासह शहराच्या दोन विविध ठिकाणाहून ताब्यात घेण्यात आले.तीन रूम बुक केल्या पण वेगळ्याच ठिकाणी राहिला, पोलिसांना टीप मिळाली आणि अग्रवालचा गेम झाला…!
पुण्यातील कोझी आणि ब्लॅक पबला टाळे
पुण्यातील कल्याणीनगर येथील अपघातातील अल्पवयीन मुलांना मद्य दिल्याप्रकरणी हॉटेल ट्रिलियन सिक्युरिटी प्रायव्हेट लिमिटेड (कोझी) आणि पंचशील इन्फ्रास्ट्रक्चर (ओक वुड) मॅरियट सूट (ब्लॅक) या बार आणि पबवर राज्य उत्पादन शुल्क विभागाने कारवाई केली. पुण्याचे जिल्हाधिकारी डॉ. सुहास दिवसे यांच्या आदेशानंतर ही कारवाई करण्यात आली.
कल्याणीनगर येथील अपघातातील आरोपी आणि त्याचे मित्र पबमधून पार्टी करून बाहेर पडल्याचे सीसीटीव्हीत स्पष्ट दिसत असल्याने अल्पवयीन मुलांना मद्य देणे; तसेच वेळेची मर्यादा न पाळणे, यामुळे हे बार राज्यभरात चर्चेत आले आहेत.