पुणे: नरेंद्र मोदींच्या मंत्रिमंडळाचा शपथविधी सोहळा काल संपन्न झाला. लोकसभा निवडणुकीत भाजपला बहुमत मिळालं नसल्यानं सत्ता स्थापन करण्यासाठी आणि सरकार चालवण्यासाठी भाजपला मित्रपक्षांची गरज आहे. राज्यात सात जागा जिंकणाऱ्या शिंदेसेनेला भाजपनं केंद्रात एक राज्यमंत्रिपद (स्वतंत्र प्रभार) दिलं आहे. शिंदेसेनेकडून खासदार प्रतापराव जाधवांनी मंत्रिपदाची शपथ घेतली आहे. जाधव यांच्या शपथविधीला २४ तासही झालेले नसताना शिंदेसेनेतील खदखद बाहेर आली आहे.
शिवसेना भाजपचा जुना मित्रपक्ष आहे. आमचे सात खासदार आहेत. त्यामुळे आम्हाला कॅबिनेट मंत्रिपद मिळावं अशी माफक अपेक्षा होती. पण आमची अपेक्षा पूर्ण झाली नाही, अशा शब्दांत शिंदेसेनेचे मावळचे खासदार श्रीरंग बारणेंनी नाराजी व्यक्त केली. यावेळी त्यांनी भाजपपेक्षा राज्यात शिवसेनेची कामगिरी चांगली झाल्याचं सांगितलं. भाजपनं राज्यात २८ जागा लढवल्या, पण त्यातील केवळ ९ जागा जिंकल्या. आम्ही १५ जागांवर लढलो, ७ जागांवर आम्हाला यश मिळालं. त्यामुळे आमचा स्ट्राईक रेट भाजपपेक्षा जास्त चांगला आहे, याकडे बारणेंनी लक्ष वेधलं.
शिवसेना भाजपचा जुना सहयोगी पक्ष आहे. पण आमच्यासोबत दुजाभाव झाला. इतरांना वेगळा न्याय आणि आम्हाला वेगळा न्याय देण्यात आला, अशी खदखद बारणेंनी व्यक्त केली. सात खासदार असलेल्या शिंदेसेनेला केंद्रात एक राज्यमंत्रिपद मिळालं आहे. तर ५ खासदार असलेल्या चिराग पासवान यांच्या लोकजनशक्ती पक्षाला, २ खासदार असलेल्या जनता दलाला (एस) प्रत्येकी एक कॅबिनेट मंत्रिपद मिळालं आहे. त्यामुळे सात जागा जिंकूनही शिंदे मुत्सद्देगिरीत कमी पडल्याची चर्चा राजकीय वर्तुळात आहे.
शिवसेना भाजपचा जुना मित्रपक्ष आहे. आमचे सात खासदार आहेत. त्यामुळे आम्हाला कॅबिनेट मंत्रिपद मिळावं अशी माफक अपेक्षा होती. पण आमची अपेक्षा पूर्ण झाली नाही, अशा शब्दांत शिंदेसेनेचे मावळचे खासदार श्रीरंग बारणेंनी नाराजी व्यक्त केली. यावेळी त्यांनी भाजपपेक्षा राज्यात शिवसेनेची कामगिरी चांगली झाल्याचं सांगितलं. भाजपनं राज्यात २८ जागा लढवल्या, पण त्यातील केवळ ९ जागा जिंकल्या. आम्ही १५ जागांवर लढलो, ७ जागांवर आम्हाला यश मिळालं. त्यामुळे आमचा स्ट्राईक रेट भाजपपेक्षा जास्त चांगला आहे, याकडे बारणेंनी लक्ष वेधलं.
शिवसेना भाजपचा जुना सहयोगी पक्ष आहे. पण आमच्यासोबत दुजाभाव झाला. इतरांना वेगळा न्याय आणि आम्हाला वेगळा न्याय देण्यात आला, अशी खदखद बारणेंनी व्यक्त केली. सात खासदार असलेल्या शिंदेसेनेला केंद्रात एक राज्यमंत्रिपद मिळालं आहे. तर ५ खासदार असलेल्या चिराग पासवान यांच्या लोकजनशक्ती पक्षाला, २ खासदार असलेल्या जनता दलाला (एस) प्रत्येकी एक कॅबिनेट मंत्रिपद मिळालं आहे. त्यामुळे सात जागा जिंकूनही शिंदे मुत्सद्देगिरीत कमी पडल्याची चर्चा राजकीय वर्तुळात आहे.
अजित पवारांच्या राष्ट्रवादी काँग्रेसला मंत्रिपद मिळायला हवं होतं, असंही खासदार बारणे म्हणाले. महायुतीमध्ये अजित पवारांची भूमिका महत्त्वाची आहे. महायुतीत येण्यासाठी त्यांनी कुटुंबाचा रोष ओढवून घेतला. ते पाहता अजितदादांना न्याय द्यायला हवा होता, असं बारणेंनी म्हटलं. भाजपचे खासदार उदयनराजे भोसले चौथ्यांदा लोकसभेत निवडून गेले आहेत. ते छत्रपती शिवाजी महाराजांचे वारसदार आहेत. लोकांच्या मनात त्यांच्याबद्दल प्रेम आहे. त्यामुळे त्यांचा सन्मान व्हायला हवा. पण तो भाजपचा अंतर्गत प्रश्न आहे, अशी भूमिका बारणेंनी मांडली