पुणे :
बहुचर्चित पोर्शे कार अपघात प्रकरणात रोज नवनवे ट्वीस्ट येताना पाहायला मिळतात. अल्पवयीन मुलाच्या आईने कालच आपणच ससून रुग्णालयात जात रक्ताच्या नमून्याची छेडछाड केली अशी कबूली दिली होती. यानंतर काल उशीरा रात्री शिवानी अगरवाल यांना अटक करण्यात आली आहे. पण काल दुपारीच शिवानी यांच्यासमोर १७ वर्षीय अल्पवयीन मुलाचा जबाब पोलिसांना नोंदवून घेतला आहे. पोलिसांसमोर जबाब देताना अल्पवयीन मुलाने अपघाताच्या रात्री नशेत असल्याने काही आठवत नाही असे स्पष्ट सांगून टाकले आहे.पोलिसांनी काय केले सवाल
अपघाताच्या रात्री पोलिसांना तपासात मिळालेल्या सीसीटीव्ही फुटेजनुसार अल्पवयीन मुलगा दोन वेगवेळ्या पबमध्ये अल्कोहोल घेताना आढळून आला होता, साधारण ४८ हजार अल्पवयीन मुलाने पबमध्ये खर्च केल्याचे तपासात आढळून आले. पोलिसांनी अल्पवयीन आरोपीला अपघातापूर्वीच्या रात्रीचा पूर्ण घटनाक्रम विचारला यावर अल्पवयीन आरोपीने नशेत असल्याने काही आठवत नाही अशीच कबूली दिली. हिंन्दूस्तान टाइम्सला क्राइम ब्राँचच्या अधिकाऱ्यांनी तपासाची माहिती दिली आहे. अपघातानंतर अल्पवयीन मुलाचे रक्ताच्या रिपोर्टमध्ये त्यांनी अल्कोहोलचे सेवन केले नाही असे दाखवण्यात आले होते परंतु अल्पवयीन मुलाच्या रक्ताच्या नमुन्याशी आई शिवानी आणि ससूनच्या दोन डॉक्टरांनी अल्पवयीन मुलाला वाचवण्यासाठी छेडछाड केली होती अखेर आता खुद्द मुलाने कबुली दिल्याने पोलिसांना केसमध्ये आणखी प्रबळ पुरावा मिळाला आहे.
Pune Accident: आईच नाही, तिघांच्या रक्ताचे नमुने, पुणे पोर्शे कार प्रकरणात नवं रहस्य उघड, ससूनमध्ये काय घडलं?
पुणे पोर्शे कार अपघातात अपडेट
१९ मे च्या रात्री पुण्यातील कल्याणीनगरमध्ये विशाल अगरवाल यांच्या अल्पवयीन मुलाने पोर्शे कारने एका बाइकस्वाराला धडक दिली गाडी इतकी वेगाने होती की अपघातात आयटी इंजिनयर असेलेल्या अश्विनी आणि अनिशचा जागीच मृत्यू झाला. सुरुवातील प्रकरण दाबण्यात आले पंरतु पुणेकरांनी प्रकरणाची गंभीर दखल घेत अगरवाल कुटुंबाचे काळे धंदे समोर आणले.
अपघात प्रकरणात जवळपास डझनभर पोलिसांच्या तुकड्या वेगवेगळ्या बाजूनी घटनेचा तपास करत आहेत. अल्पवयीन मुलाचे आई वडील दोघांनाही सध्या ५ जूनपर्यंत पोलिस कोठडी न्यायालयातून सुनावण्यात आली आहे. तरलकारचालक अल्पवयीन मुलाला दिलेला जामीन रद्द करत त्याला चौदा दिवस बाल निरीक्षण गृहात ठेवण्याचे आदेश बाल न्याय मंडळाने दिले. त्यामुळे तीनशे शब्दांचा निबंध लिहिण्यासह इतर अटी शर्तींवर जामिनावर बाहेर असलेल्या या अल्पवयीन मुलाला पाच जूनपर्यंत निरीक्षण गृहात राहावे लागणार आहे.